未来ガジェット研究所

去左Thong Lor搵傳說中港豬去曼谷必食既芒果糯米飯。 我個人覺得琴晚夜市買果個好食D。 突然好想食肉，係Silom Complex既Jeffer Steak食個扒餐都係179THB， 同隔離間吉野家既大牛加蛋差唔多價錢，幾抵食， 係香港食個茶記都唔止呢個數。 食完野行下超級市場，估唔到夕張蜜瓜飛到黎泰國。 不如我同759合作入口UCC 114 117 去泰國賣。 去酒店拎返行李，再戰今朝食過間雞飯， 不過今次係食米粉，個湯真係好正。 泰國版可爾必思，我鍾意飲呢隻野既其中一個原因係佢曾經做過二戰時候日本既軍用飲品。 搭去MoChit轉巴士入機場，係BTS見到有個好大既市集類物體， 見有D時間行左過去睇下，原來係港豬去曼谷成日講既JATUJAK， 我個人就唔鍾意買野(除左威士忌)，行左一陣剩係入手左幾張Postcard。 回程都係搣到爛哂既巴士飛。 Check in完行下DMK，唔算太舊，有食肆有免稅店。 沙嘛de級樣既麥當勞叔叔無處不在。 等飛機食埋個後備食糧，出奇地高質，下次買返五六條返去做早餐。 可能因為我開始肚餓 DMK同BKK都無Plaza Premium Lounge，無得un un 腳等上機。 繼續出公海，驚死架機唔等你咁。 NOK AIR既螺旋槳機，未有機會坐下ATR / Dash 系既螺旋槳機， 搵次由台中坐去金門先。 Airasia 出公海既巴士係佢自己車黎。 成日搭A320但我都係呢次先留意到原來入油要Flap all。 A320 ... .. . 拎Scoot 787同佢比係有少少唔公道既，不過真係好窄。 差D唔記得影下個機身。 我留意左呢個人好耐，我以為佢係拎個pizza上機食， 點知係原個拎返澳門。 唉第二朝又要開工，完。

二十世紀初期，泰國為左對抗英國(英屬印度)同法國(法屬印度支那殖民地)既勢力， 積極向外購買軍備，其中一個項目就係向日本購買十四艘各式艦艇， 當時泰國與日本關係良好(其實宣戰前日本同英國既關係都良好)， 係日本向美國宣戰之後，泰國亦根據日泰攻守同盟條約係1942年1月25日向英美宣戰。 十四艘艦艇為 海防戰艦兩艘 一號艦 Dhonburi 二號艦 Sri Ayuthia， 神戶川崎造船所建造 (即係建造榛名既造船所)， 其中一號艦 Dhonburi為當時泰國海軍旗艦。 炮艦兩艘 一號艦 Maeklong 二號艦 Tachin， 橫須賀浦賀船渠建造。 (浦賀船渠主力生產驅逐艦等輕型艦艇， 與位於大阪既藤永田造船所並稱 "西の藤永田、東の浦賀")。 潛艇四艘 Matchanu / Wirun / Sinsamut / Phlai-chumphon 神戶三菱造船所建造，泰國海軍曾經派人去千葉縣接受培訓， 呢四艘潛艇係日本到現時為止唯一外銷潛艇， 遲D蒼龍型會唔會打破呢個記錄就要D時間先知道。 外加哨戒艦三艘，運輸艦三艘構成泰國海軍主力。 今次去拜訪既係炮艦Maeklong，現時唯一既日本制二戰艦艇。 除非你計埋已經係海底既 第二朝一早就起身，搵完野食準備向HTMS 進發， 行去BTS果陣見到有個檔仔賣小食，佢用粉漿整成個餅然後包住條腸， 買左兩個做後備食糧，因為我見個目的地都幾荒蕪。 係BTS隔離有間雞飯，又見肚餓就入去食個雞飯， 同水門一樣唔係油飯，但係個雞湯幾香胡椒味， 泰國D雞飯真係正過新加坡。 之後搭地鐵去BTS Wongwian Yai，睇Google Map既交通規劃， Maeklong位處既Phra Chulachomklao Fort係呢個站轉20號巴士就可以去到， 出發前一晚我都上左去巴士公司個網睇左一次， 雖然泰文我一隻字都睇唔明，但我拎左佢個站名去Google 又搵到係岩既地點， 但係我拎個地名問個巴士司機佢又撒手擰頭， 以防萬一都係搭的士著數。 咁我拎個地名去問個的士司機O唔OK， 佢諗左一陣佢做左個槍既手勢然後”Bang Bang Bang”咁聲， 因為果到附近係個軍營所以我以為佢知係邊啦， ...