201509 台灣東北部鐵道之旅: Day 1 基隆廟口夜市

廟口夜市都幾多野食，可能耐無行夜市。
第一站去左食蟹肉羹。

有D似碗仔翅既蟹肉版，大啖大啖食蟹肉好正。

第二站食一口腸，好岩送啤酒食。

第三站鐤邊趖，呢三隻字中有兩隻我唔識讀，
但係幾好食，炸左D蝦肉豬肉同粉團一齊放湯食。

搵左段介紹既youtube有興趣可以睇下，食果陣塊粉團真係會好似youtube影到咁彈下彈下。

第四站牛油烤鳥蛋，無咩味又無咩特別。

第五站食燒八爪魚，原本想買成隻腳但係食左佢就唔洗食其他野，成隻魷魚都好吸引。

即時用碳燒，啊姐用黎吹風入碳爐果把係廢青扇黎。

魷魚望落都好吸引。

個袋就寫粟米。

入面係燒八爪魚，岩岩燒起熱辣辣好正，係韌左小小。

第六站開始甜品時間，狀元糕係用米加芝麻或者花生拎去蒸，麻麻地個米漿好厚。

第七站石花凍，有D似大菜糕既甜品，食既時候再灑糖粉係上面，
幾過癮個口感係啫喱同大菜糕之間。

落大雨兼食到好飽，回程去師大夜市再食過。