201510 泰國曼谷淺度遊 Day 2: 拜訪現存唯一既日本制二戰艦艇 Maeklong
二十世紀初期，泰國為左對抗英國(英屬印度)同法國(法屬印度支那殖民地)既勢力，
積極向外購買軍備，其中一個項目就係向日本購買十四艘各式艦艇，
當時泰國與日本關係良好(其實宣戰前日本同英國既關係都良好)，
係日本向美國宣戰之後，泰國亦根據日泰攻守同盟條約係1942年1月25日向英美宣戰。
十四艘艦艇為
海防戰艦兩艘
一號艦 Dhonburi 二號艦 Sri Ayuthia，
神戶川崎造船所建造 (即係建造榛名既造船所)，
其中一號艦 Dhonburi為當時泰國海軍旗艦。
炮艦兩艘
一號艦 Maeklong 二號艦 Tachin，
橫須賀浦賀船渠建造。
(浦賀船渠主力生產驅逐艦等輕型艦艇，
與位於大阪既藤永田造船所並稱 "西の藤永田、東の浦賀")。
潛艇四艘
Matchanu / Wirun / Sinsamut / Phlai-chumphon
神戶三菱造船所建造，泰國海軍曾經派人去千葉縣接受培訓，
呢四艘潛艇係日本到現時為止唯一外銷潛艇，
遲D蒼龍型會唔會打破呢個記錄就要D時間先知道。
外加哨戒艦三艘，運輸艦三艘構成泰國海軍主力。
今次去拜訪既係炮艦Maeklong，現時唯一既日本制二戰艦艇。
除非你計埋已經係海底既
行去BTS果陣見到有個檔仔賣小食，佢用粉漿整成個餅然後包住條腸，
買左兩個做後備食糧，因為我見個目的地都幾荒蕪。
係BTS隔離有間雞飯，又見肚餓就入去食個雞飯，
同水門一樣唔係油飯，但係個雞湯幾香胡椒味，
泰國D雞飯真係正過新加坡。
Maeklong型噸位比吹雪型小，(Maeklong: 1400噸，吹雪: 1680噸)
但比吹雪型多出一組單裝炮，魚雷就比吹雪型少一套同埋係連裝魚雷。
buki型吹雪型一番艦吹雪，
可以見到佢前後桅杆同艦橋配置(操舵艦橋，戰鬥艦橋，對空見張艦橋)同吹雪型基本相同，
除此之外吹雪型比Maeklong型多一支煙囪。
45.7cm 連裝魚雷發射管，屬於舊式既水上魚雷發射管，
日露戰爭時服役既出雲型裝甲巡洋艦就係用呢個口徑既魚雷，
比Maeklong更早服役既吹雪型已經更新左做61cm三連裝魚雷發射管。
艦尾設有機雷投下軌同爆雷投射機，
近岸防衛艦艇其中一個重要任務就係反潛。
呢個我估計係八一式爆雷投射機，
因為日本海軍主力使用既爆雷投射機有三款，
八一式，九四式(Y炮)，三式(K炮)，佢個樣唔似九四式同三式，
八一式爆雷投射機既網上資料比較少，要搵實體書查證一下。
係到講下個爆雷投射機，
成個油桶樣既鐵罐就係爆雷，爆雷係第一樣武器能夠攻擊到下潛左既潛水艇，
爆雷下沉到一定深度既時候爆炸，用爆炸既衝擊波破壞敵潛水艇或令聲納員失去聽力。
爆雷既第一個戰果係1916年3月22日英國皇家海軍係愛爾蘭擊沉U-68，
但當時既水下偵察技術仍然好落後，而且爆雷只係能夠放到艦尾範圍，
(你想像下放個炸彈係船側面會點......)
於是英國人就發明左爆雷投射機呢樣野，佢可以將爆雷向側舷方向射出一段距離，
攻擊範圍同自身艦艇既安全性大大提高，
日本第一台八一式爆雷投射機就係1921年向英國人買入後研制而成。
12cm 單裝炮，Maeklong艦上總共四門，
吹雪型用既係12.7cm連裝炮。
另一邊船舷既魚雷發射管。
船上一定有既廚房等後勤空間。
我估呢個應該係電飯煲黎。
呢間洗衣房出海果陣應該熱到癲，鍋爐條煙囪係正隔離。
(日本海軍既空母赤城因為煙囪設計有誤，
因此有個別名叫殺人長屋)
Maeklong型可以搭載一架水上機，但較少相關資料記載。
位於艦首既12cm單裝炮。
艦首兩門12cm單裝炮。
隱約仲見到Made in Japan既銘刻。
上到第一艦橋(操舵艦橋)。
舵手位置，左紅右綠加上萬向羅盤去控制船既前進方向。
風向計，雖然船無飛機咁受風影響，
但颱風或者天氣唔好既時候風力係一個重要參考指標。
雷達台。
傳聲筒，打仗既時候最簡單既設備往往係最幫得到手既。
呢個應該係六分儀? 我出生於GPS年代未試過用六分儀去定位wwwww
萬向羅盤，無論船身傾斜幾多都好，羅盤依然能夠保持水平。
船身傾斜角度，船既左邊係PortS，船既右邊係StarBoard。
機電設備。
第二艦橋(戰鬥艦橋)，視野比第一艦橋好，
作戰時間會有一批瞭望員(日文係見張員，唔知咁譯岩唔岩)係到用望遠鏡索敵(二戰時做法)，
不過雷達出現左之後索敵主要都係靠雷達。
測距裝置，同睦月型一樣係一四式測距儀，長度為兩米。
係到講下個測距儀，佢個原理係用光學既方法，
基於人左右眼既成像唔同而產生立體感，從而去量度個距離。
測距儀兩塊鏡片之間既距離愈長，量度出黎既誤差愈少，
大和型用既二重測距儀長達15米，係當時日本國內最先進既光學測距儀(紅圈位置)，
有一說法呢個測距儀既技術係引繼自德國Carl Zeiss AG，
即生產Bismarck 10.5m測距儀既公司。德國科學力世界第一
順帶一提有D戰艦會係艦炮都裝測距儀，甚至有艦炮既測距儀比艦橋長既情況。
大和二重測距儀。
企係艦橋望出去幾舒服，好在無落雨。
艦橋後面既通訊窒，無論英美日德，通訊窒都係痴住艦橋。
2cm連裝機槍，聊勝於無既對空火力。
呢舊野我搵唔到資料係咩黎。
螺旋槳同舵機，對比起陸奧既螺旋槳黎講真係小巫見大巫。
臨走果陣有D藍天。
走既時候行到半路有架農夫車停低問我去邊，
我話去出口，佢指一指個車斗叫我上車，
於是搭左人生第二次順風車，
係出口拎返passport就搭的士返曼谷，
今次個司機識路，但架車無油，入左三次油站，
加左一次油一次氣，一次路過望完價錢就走左。
積極向外購買軍備，其中一個項目就係向日本購買十四艘各式艦艇，
當時泰國與日本關係良好(其實宣戰前日本同英國既關係都良好)，
係日本向美國宣戰之後，泰國亦根據日泰攻守同盟條約係1942年1月25日向英美宣戰。
十四艘艦艇為
海防戰艦兩艘
一號艦 Dhonburi 二號艦 Sri Ayuthia，
神戶川崎造船所建造 (即係建造榛名既造船所)，
其中一號艦 Dhonburi為當時泰國海軍旗艦。
炮艦兩艘
一號艦 Maeklong 二號艦 Tachin，
橫須賀浦賀船渠建造。
(浦賀船渠主力生產驅逐艦等輕型艦艇，
與位於大阪既藤永田造船所並稱 "西の藤永田、東の浦賀")。
潛艇四艘
Matchanu / Wirun / Sinsamut / Phlai-chumphon
神戶三菱造船所建造，泰國海軍曾經派人去千葉縣接受培訓，
呢四艘潛艇係日本到現時為止唯一外銷潛艇，
遲D蒼龍型會唔會打破呢個記錄就要D時間先知道。
外加哨戒艦三艘，運輸艦三艘構成泰國海軍主力。
今次去拜訪既係炮艦Maeklong，現時唯一既日本制二戰艦艇。
行去BTS果陣見到有個檔仔賣小食，佢用粉漿整成個餅然後包住條腸，
買左兩個做後備食糧，因為我見個目的地都幾荒蕪。
係BTS隔離有間雞飯，又見肚餓就入去食個雞飯，
同水門一樣唔係油飯，但係個雞湯幾香胡椒味，
泰國D雞飯真係正過新加坡。
之後搭地鐵去BTS Wongwian Yai，睇Google Map既交通規劃，
Maeklong位處既Phra Chulachomklao Fort係呢個站轉20號巴士就可以去到，
出發前一晚我都上左去巴士公司個網睇左一次，
雖然泰文我一隻字都睇唔明，但我拎左佢個站名去Google 又搵到係岩既地點，
但係我拎個地名問個巴士司機佢又撒手擰頭，
以防萬一都係搭的士著數。
咁我拎個地名去問個的士司機O唔OK，
佢諗左一陣佢做左個槍既手勢然後”Bang Bang Bang”咁聲，
因為果到附近係個軍營所以我以為佢知係邊啦，
點知開左車之後佢就開始班救兵，
先係用無線電問，問左一陣無結果，
之後打電話問路(我估係的士台之類)，俾人cut左佢線，
之後見到架的士泊左係一邊佢又停左埋去問人，
如是者行左廿分鐘之後，終於見到第一個路牌，
佢當場做左個放心哂既樣wwwww
經過左半個鐘多D既車程到左軍營門口，
要係門口放低本passport，佢會俾個證你袋住，
但係門口同Maeklong都仲有一段距離，行應該要廿分鐘，
我過左閘口無幾步路，前面架車個司機落車問我去邊，
我show左隻艦既相俾佢睇佢就叫我上車，兜堆我去，
咁大個仔第一次坐順風車wwwwwww
驚左一輪終於到埗。
但比吹雪型多出一組單裝炮，魚雷就比吹雪型少一套同埋係連裝魚雷。
可以見到佢前後桅杆同艦橋配置(操舵艦橋，戰鬥艦橋，對空見張艦橋)同吹雪型基本相同，
除此之外吹雪型比Maeklong型多一支煙囪。
45.7cm 連裝魚雷發射管，屬於舊式既水上魚雷發射管，
日露戰爭時服役既出雲型裝甲巡洋艦就係用呢個口徑既魚雷，
比Maeklong更早服役既吹雪型已經更新左做61cm三連裝魚雷發射管。
艦尾設有機雷投下軌同爆雷投射機，
近岸防衛艦艇其中一個重要任務就係反潛。
呢個我估計係八一式爆雷投射機，
因為日本海軍主力使用既爆雷投射機有三款，
八一式，九四式(Y炮)，三式(K炮)，佢個樣唔似九四式同三式，
八一式爆雷投射機既網上資料比較少，要搵實體書查證一下。
係到講下個爆雷投射機，
成個油桶樣既鐵罐就係爆雷，爆雷係第一樣武器能夠攻擊到下潛左既潛水艇，
爆雷下沉到一定深度既時候爆炸，用爆炸既衝擊波破壞敵潛水艇或令聲納員失去聽力。
爆雷既第一個戰果係1916年3月22日英國皇家海軍係愛爾蘭擊沉U-68，
但當時既水下偵察技術仍然好落後，而且爆雷只係能夠放到艦尾範圍，
(你想像下放個炸彈係船側面會點......)
於是英國人就發明左爆雷投射機呢樣野，佢可以將爆雷向側舷方向射出一段距離，
攻擊範圍同自身艦艇既安全性大大提高，
日本第一台八一式爆雷投射機就係1921年向英國人買入後研制而成。
12cm 單裝炮，Maeklong艦上總共四門，
吹雪型用既係12.7cm連裝炮。
另一邊船舷既魚雷發射管。
船上一定有既廚房等後勤空間。
我估呢個應該係電飯煲黎。
呢間洗衣房出海果陣應該熱到癲，鍋爐條煙囪係正隔離。
(日本海軍既空母赤城因為煙囪設計有誤，
因此有個別名叫殺人長屋)
Maeklong型可以搭載一架水上機，但較少相關資料記載。
位於艦首既12cm單裝炮。
艦首兩門12cm單裝炮。
隱約仲見到Made in Japan既銘刻。
上到第一艦橋(操舵艦橋)。
舵手位置，左紅右綠加上萬向羅盤去控制船既前進方向。
風向計，雖然船無飛機咁受風影響，
但颱風或者天氣唔好既時候風力係一個重要參考指標。
雷達台。
傳聲筒，打仗既時候最簡單既設備往往係最幫得到手既。
呢個應該係六分儀? 我出生於GPS年代未試過用六分儀去定位wwwww
萬向羅盤，無論船身傾斜幾多都好，羅盤依然能夠保持水平。
船身傾斜角度，船既左邊係PortS，船既右邊係StarBoard。
機電設備。
第二艦橋(戰鬥艦橋)，視野比第一艦橋好，
作戰時間會有一批瞭望員(日文係見張員，唔知咁譯岩唔岩)係到用望遠鏡索敵(二戰時做法)，
不過雷達出現左之後索敵主要都係靠雷達。
測距裝置，同睦月型一樣係一四式測距儀，長度為兩米。
係到講下個測距儀，佢個原理係用光學既方法，
基於人左右眼既成像唔同而產生立體感，從而去量度個距離。
測距儀兩塊鏡片之間既距離愈長，量度出黎既誤差愈少，
大和型用既二重測距儀長達15米，係當時日本國內最先進既光學測距儀(紅圈位置)，
有一說法呢個測距儀既技術係引繼自德國Carl Zeiss AG，
即生產Bismarck 10.5m測距儀既公司。
順帶一提有D戰艦會係艦炮都裝測距儀，甚至有艦炮既測距儀比艦橋長既情況。
大和二重測距儀。
艦橋後面既通訊窒，無論英美日德，通訊窒都係痴住艦橋。
2cm連裝機槍，聊勝於無既對空火力。
呢舊野我搵唔到資料係咩黎。
螺旋槳同舵機，對比起陸奧既螺旋槳黎講真係小巫見大巫。
臨走果陣有D藍天。
走既時候行到半路有架農夫車停低問我去邊，
我話去出口，佢指一指個車斗叫我上車，
於是搭左人生第二次順風車，
係出口拎返passport就搭的士返曼谷，
今次個司機識路，但架車無油，入左三次油站，
加左一次油一次氣，一次路過望完價錢就走左。
留言
張貼留言