201509 台灣東北部鐵道之旅: Day 1 雙溪 - 區間車 - 七堵，七堵站台鐵攝影

係雙溪搭區間車去七堵，要轉另一個方向既車去基隆。

猴硐係平溪線必到景點之一，通常D人係知道猴硐有貓，
但猴硐另一個歷史價值係以前既煤礦同日治時期既建築，
下次有機會去猴硐考察完再同大家分享。

好多人等緊平溪線。

呢兩父子都係黎影車，D鐵膠一見到面就知大家係同道中人，
我用我僅有既日文問左佢去緊松山，佢又建議我去七堵影車，
佢有本書係有哂咁多款車既型號同外觀拎黎認車，連貨物車既車型都有，有做足功課。

點解次次去旅行都係男人聊我無女仔聊我 ... .. .

仲送左張JR既宣傳單張俾我，佢話佢拎左一疊唔同既單張黎台灣派，
等我下次又拎D地鐵既路線圖去派。

七堵站同八堵站係轉車去基隆既轉車站，
七堵站對出有個調車場可以影下車。

復興號客車。

台鐵DHL100型柴液機車，專門用係調車場，
佢可以自己一個拉郁成抽推拉式自強號。

E1000型推拉式電車，自強號列車，
買呢款車果陣台鐵判左標俾泡菜仔，而泡菜仔再將機頭既合約判左俾南非佬，
個產品質素可想而知，仲要後期泡菜仔唔黎做保養，
激到台鐵話唔俾泡菜仔再投台鐵既標，之後由泡菜政府壓返落去叫佢做返好架車。

車到站，向基隆出發。