未来ガジェット研究所

Bowmore 身為艾西島上歷史最悠久既酒廠， 由創辦人John. P. Simpson一路經歷唔同既經營者， 直到1994年俾現任經營者Suntory 收購。 其實Bowmore都係日威，以經營者國籍黎講。 仲記得岩岩買佢返去果陣，一開樽成間房都係泥煤味， 倒出黎搖兩下再聞，嘩成陣潮濕木頭味， 飲落口成個口都充斥住爛木頭既味， 完全試唔到Tasting Note 上面既"Sweet and Delicious Heather Honey"， "Gentle Peat Smoke" 完全唔gentle，試左一兩次真係搞唔掂之後封左佢入櫃底。 近呢個零月我將支Bowmore 12由櫃底拎返出黎， 晚晚都飲少少，個機緣巧合係點我自己都唔記得， 放左一陣既Bowmore 12無左一開始強烈到攻鼻感覺， 反而淡淡既蜜糖味出左黎，又唔係話甜到好似落左糖咁甜， 少少甜加少少蜂箱既木味，柔和左既泥煤豐富返個口感， 真心覺得放左一陣既Bowmore 12 仲正過岩岩開樽既Bowmore 12。 注意: Bowmore 12並唔係透明，只係呢支我已經飲哂。

上個星期返香港做冬，距離飯局既時間尚早， 去左朋友位於上環既威士忌吧飲返兩杯， 試左兩款 Bowmore 同一款 Signatory 原酒。 我自己覺得，係屋企飲，係 Ginger 飲同係 Galaxy 飲係三樣唔同既野， 係屋企飲，放工沖完涼玩緊艦娘， 倒半 shot   ( 或者一 shot)  Bowmore 12 / Dalmore 12 輕輕鬆鬆過下口癮。 係 Ginger 飲，同 Tony ( 啊老闆 ) 傾計學野，唔止威士忌有時傾下旅行野， 飲 D 平時少見到既款同有趣 D 既款 (e.g. IB) 。 係 Galaxy 飲，通常同朋友去，裝修一流，真係去放鬆同傾下計。 各取所需啦。 上個星期去 Ginger 主力係試下 Bowmore ， 我同 Bowmore 12 之間有個故事可以講下。 仲記得岩岩買佢返去果陣，一開樽成間房都係泥煤味， 倒出黎搖兩下再聞，嘩成陣潮濕木頭味， 飲落口成個口都充斥住爛木頭既味， 完全試唔到 Tasting Note 上面既 "Sweet and Delicious Heather Honey" ， "Gentle Peat Smoke" 完全唔 gentle ，試左一兩次真係搞唔掂之後封左佢入櫃底。 近呢個零月我將支 Bowmore 12 由櫃底拎返出黎， 晚晚都飲少少，個機緣巧合係點我自己都唔記得， 放左一陣既 Bowmore 12 無左一開始強烈到攻鼻感覺， 反而淡淡既蜜糖味出左黎，又唔係話甜到好似落左糖咁甜， 少少甜加少少蜂箱既木味，柔和左既泥煤豐富返個口感， 真心覺得放左一陣既 Bowmore 12 仲正過岩岩開樽既 Bowmore 12 。 講返正題，第一杯試左 Bowmore 18 ， 我原本主觀地覺得 18 個泥煤味應該會強過 12 ， 但試落 18 比 12 更柔和， 如果用人黎形容 Bowmore 12 就係一個 18 歲既靚仔，渣架細 Vtec 換大包圍無限翼， Bowmore 18 就似一個 24- 28 歲既男人，內歛左成熟左，會鍾意 Lexus RX450h 多過響喉 H 車。 第二杯試左 B ...

岩岩介紹完Talisker系中輕口味既Talisker Skye， 呢家介紹下另一個方向既Talisker Dark Storm。 Talisker本身都係重口味既代表， 而Talisker Dark Storm就將煙燻呢樣味道發揮到極致。 同佢兄弟Talisker Storm唔同，呢支只係係機場出售。 就咁睇酒既顏色我會俾佢呃左以為係高年份既酒， 一倒出杯果下個煙燻味已經出哂黎，加埋少少海邊既海水咸味， 想像個畫面係你係海邊坐緊蒸氣火車， 前面車頭"勁共勁共"噴緊煤煙出黎，側邊有海風吹埋你塊面到既感覺。 口既after taste比較短，反而煙燻味可以縈繞好耐都未散。 我懷疑佢用果個”Heavily Charred Oak Cask”真係好似字面所講"燒到燶哂既木桶"， 呢支酒好岩鍾意重口味煙燻既人享受。

呢支Talisker係用蒸餾廠所在既穹蒼島(個中文我係台灣網搵既)Isle of Skye黎命名， 酒桶用左第二次入酒既酒桶，係入酒之前酒桶仲經過烤焗， 口味比其他常見既Talisker輕同易入口，但Talisker一向既煙燻都仲係到。 如果你覺得其他Talisker太勁但係又想試下Talisker係咩風格，呢隻不妨一試。

呢支Laphroaig既賣點係佢用左三款唔同既桶去陳放， 先係美國橡木桶陳放一段時間， 再係1/4桶(Quarter Cask)增強層次同味道， 最後係PX桶進行熟成。 Laphroaig 1/4桶相信唔洗多介紹，細細個桶，熟成快味道濃， PX桶(Pedro Ximenez)係西班牙當地既葡萄酒桶， 一般Laphtoaig都好少會用到水果味既桶去做( 葡萄酒桶)， 最後用係熟成既PX桶令佢係Laphroaig既厚實上面加入甜味， 但基本既泥煤同煙燻仍然係重要位置，After taste悠長，令人回味。 Laphroaig PX Cask 官方網頁: http://www.laphroaig.com/whiskies/laph-px.aspx

飲到半醉搭車返大阪，行左陣街又係時候食晚飯去機場， 今次係新梅田食道街食大阪燒，平時去開鶴橋風月既， 但係行開呢邊就試下舖頭仔。 好想學識日文既其中一個原因係識日文可以係舖頭嗌到D Menu外既野食， 我見隔離個大叔嗌果個又有煙肉碎又有洋蔥，炒起左再包係菜入面整成大阪燒，應該好正。 跟手搭地鐵去難波轉南海入機場，一諗到聽日要返工情緒低落，完。

之後行去日本橋地鐵站轉車去位於長岡京附近既 Suntory 京都啤酒工場， 阪急最近既站係西山天王山，我其實中左伏無轉到特急， 搞到用左個幾鐘先由日本橋去到西山天王山， 我成日記住坐 JR 既新快速由大阪去京都剩係要半個鐘， 去到果陣已經 1350 ，為左唔好遲到搭左 600 yen 的士過去，去到岩岩好 1400 ，蠢之三。 去到我原先係報左名參加一個叫 MASTER’S 　 DREAM （マスターズドリーム）既講座， 有人教試飲 Suntory 啤酒，但點知去到佢話要識日文先上得，書到用時方恨少。 但好在佢俾我參加 1400 果轉既工場見學，總算無白費時間，亦相當好玩。 因為間廠入面既生產設施唔俾影相，文字描述我亦唔叻， 直接跳到去參觀完工場既試飲部分。 行完成個工場之後導賞員姐姐帶左我地去一間試飲室， 一推開門果下係聽到すごいすごいすごい， 因為個庭園真係好正，中間果棵叫秋櫻，估唔到係呢到睇到櫻花。 一場黎到就梗係要飲返杯啤酒，第一杯係Premium Malt 's， 認真唔係啤酒專家，但飲完覺得以前好鍾意飲既Asahi銀罐太重酒精味蓋過左麥味。 第二杯係Master's Dream，個泡好綿好滑，好香麥味，唔係好識形容啤酒你自己去買支試下。 我係工廠買左三支Master's Dream返屋企，我媽問我係咪痴左線揹支啤酒返香港。 原來飲啤酒都可以學似飲威士忌咁品嚐，一改我以前飲啤酒係為左爽果下既睇法。

探完榛名去左千日前商店街行下街同買野， 去左道具屋筋既一間超級市場買野， 入手左兩大盒味噌同一大包海帶都係百零蚊。 之後去左行 Bigcamera ，去日本行 bigcamera 最過癮一定係去睇電視， 但有幾多香港人既屋企可以擺部咁大既電視機。 行埋日本橋 Animate 買左 D 毒撚野就搵野食， 去左間食 100 yen 一碟迴轉壽司既舖頭， 貪佢唔洗出聲就手野食連手指指都慳返。 好獵奇，我以為呢D古怪壽司得明將先有。 佢幾款火炙既壽司唔錯，100 yen兩貫邊到搵。 之後去左食炸串，呢間炸串係道具屋筋既轉角位，八月果次食過覺得唔錯，反二 唔算好平但係幾高質，由左邊數起係蝦，墨魚，冬菇同芝士， 蝦我個人覺符老巴剎既炭燒蝦好食D， 最高質既一定係芝士，炸完個芝士既內芯熔哂好正。 咬左一邊角既芝士。

我係南海買左張轉乘票，可以係天下茶屋搭去京都， 但其實係中左伏因為我只係去到長岡京，唔去京都市內， 我反而應該買南海+地鐵一天劵先岩， 耐無搭大阪既私鐵有D生疏，搭慣はるか+環狀線+東海道本線新快速+山陽本線新快速。 對上一次搭南海應該係幾年前第一次去關西，果陣係機場搭落和歌山。 係日本搭鐵路，識搭一定係企車頭睇訊號燈同運轉士指差確認， 然後發覺佢超速俾人綠黃 燈 / 黃燈  / 紅燈果陣指住佢黎笑 個人覺得日本鐵路比香港優秀既原因係佢有特急 / 快速既車可以揀， 唔評論太多我知一定有世界大戰， 但你要教識班愚蠢既香港人睇明個邊班車停邊個站我相信要唔少功夫， 你見上水去羅湖 / 落馬洲有人坐錯車。 雖然張飛係到天下茶屋，但我要轉車去尼崎所以直接搭到去難波，要補150，蠢之一。 難波係南海既大站，好耐無掂過火車影返夠本。 搭阪神去尼崎來回盛惠660，蠢之二。 咁早去到尼崎凍冰冰搵個早餐食下先， 明明四個鐘前先食完野， 行過搵左間 café 食個早餐先， 同樣都係多士同咖啡，我係日本食咁多次最好食都係係新今宮 Hotel Toyo 街口果間， 排第二就高山市バグパイプ，即係冰果實景果間。 由車站行左十五分鐘到左此行既目的地，難波八幡神社， 點解要黎呢到係因為呢到供奉左榛名唯一既遺物， 一支刻有國光宣揚既旗桿。 1935年既榛名，紅框就係旗桿既位置， 圖片引用自維基百科 榛名號戰艦 或者趁呢個機會講下榛名既故事， 金剛型既設計其實源於英國人，一番艦金剛就係係英國建造完再去日本， 二番艦比叡，三番艦榛名，四番艦霧島就係日本本土建造， 榛名同霧島仲係第一次由民間船廠建造，亦證明左當時日本民間船廠既技術水平， 其實去到二戰既時候金剛型已經服役二十幾年，榛名一直係前線戰鬥，直到吳軍港空襲， 係戰後同幸運空母瑞鶴，不會沉的驅逐艦雪風被評為武勳艦。 ____ 旅館 / _____ 御殿 : 前線，不認識的孩子呢。 好諷刺， ” 戰力最強 ” 既大和型同長門型一直都係母港待機， 反而係前線最活躍既係舊式戰艦。 水雷戰隊既情況一樣， 伴隨各位大小姐係母港待機既一水...

今次去關西係因為早兩日睇日本提督既blog， 發現原來榛名(戰艦)仲有遺物係現世， 現存係兵庫縣尼崎既一間神社入面， 作為一個榛名提督就梗係要去拜訪一下。 P.S. 唔計廣島燒鐵板既話 有傳榛名解體果陣有塊鐵板拎左去做廣島燒既鐵板，所以廣島燒係榛名既女體盛。 今次去直接係澳門搭船過去香港機場，外港去香港機場要$254蚊， 但係可以退返$120離境稅，計返其實差唔多， 由澳門直接坐船去香港機場手續唔多， 上網用紅卡click定張飛，買飛果陣佢要你填埋坐邊間同幾點機， 到碼頭埋到去俾passport同機票就得，有行李可以係澳門寄埋， 但缺點係唔係間間航空公司都得，尤其係LCC， 平時最愛既Peach係海天碼頭無櫃檯， 所以去程搭Peach既話要搭去港澳碼頭再入機場。 出門口果陣好大雨，澳門D交通又好麻煩， 到外港果陣已經成身濕哂，好想快D入Lounge沖個熱水涼唔係一定感冒。 Turbojet 之中最爽一定係Jetfoil，升起之後完全無視風浪， 未過橋底似坐舢舨， Flying Cat 一大浪就隨波逐流，今次搭先發覺原來D行李係露天擺船頭。 Leg Room 無咩大要求，又唔係同佢過人世， 但佢個設計好奇怪，救生衣個袋岩岩好頂住我膝頭。 拎到窗口位，但成程船大浪到啊媽都唔認得， 有時我以為自己坐緊大飛，有同事返香港話連jetfoil都搖， 然後好慣常地側邊D人開始暈船浪，成隻船開始彌漫住胃酸既味， 我自問唔係好暈船浪但係都唔係好頂得順， 最吊詭係行到大嶼山北邊既時候架船開始減速， 如果架船行得快係無咁搖，行得慢受浪既影響更加大， 行到望到青山發電廠果陣架船突然熄左引擎，然後向後行左兩分鐘， 我仲以為架船有咩機件問題，最後用左一個半鐘先行完平時五十分鐘既船程， 個個落船都面青口唇白。 落船就要排多次櫃台拎Boarding Pass，e-Borading Pass係唔得既(上星期搭因航去新加坡試過)， 仲要拎埋張退稅既收據，跟手排隊做安全檢查， 檢查完就去退稅櫃台拎返百二蚊(現金)， 落去搭車由碼頭去T1 Gate 1轉車，搭多一個站去Gate 40 Lounge， 我個人比較鍾意Gate 40 Lounge，個景靚D同埋我鐘意果邊有生啤飲， 但點知中左伏，一陣會講。 個人仲...