201508 新加坡，馬來亞新山之旅 Day 2: Johor Bahru 新山

係商場搵左部櫃員機拎錢之後就行出去行下，
但係無做咩資料搜集所以都係hea行多。

商場同香港差唔多，但隔一條街就已經變左深圳。

好似係舊警察局。

肚餓求其係路邊搵左間餐廳坐低食野，
叫左兩份咖喱同薄餅，再加炸雞同兩杯茶，
盛惠RM20，圍返港幣大約36蚊，
野食相我以為朋友有影啦，佢又單反又Go Pro咁，
點知我搵極都搵唔到野食相，得囡囡相。

之後周圍行下消化下，不過真係好熱無咩心機拎部機影相。

好熱，搵左個路邊檔仔飲野，新鮮椰青盛惠RM4一個，大約8蚊港紙，
上次係Maxwell飲椰青要SGD$3，大約18蚊港紙，
我大約明點解新山係新加坡人既深圳。

行入商場歎下冷氣，竟然有個高達展，仲有show girl

個商場仲有間neway

之後仲食左個砂鍋肉骨茶(RM20)同半打冬甩，同樣搵唔到相。
由於太熱同飽過龍，決定返新加坡飲杯野涼下。
講到好似過左關會涼好多咁

回程都係坐星柔快車返去Bugis，順便去小印度行下，
出左馬來西亞境就搵返個巴士站。

上車果陣會有人收車錢，咁我果陣得返兩張RM50，
個大叔堅持唔收，頂佢我唯有去對面買支野飲唱散佢。

過左新加坡境又係搵返個巴士站上車，
有巴打教路係機場拎多幾張入境表填定，
到時就唔洗搞咁耐，同埋記得填係坐咩車黎，
因為我無填到，個關員有問我拎張車飛睇同寫返落去。

由新山去Bugis既車費係RM3.3，同Bugis去新山SGD$3.3比差左三倍。