201508 新加坡，馬來亞新山之旅 Day 2: Bugis 武吉士，Little India 小印度

車程又係大約半個鐘，恰左一陣好快就到。

之後去左間印度拉茶舖飲杯野，上次黎果陣飲左熱茶，
今次飲凍既，好多日本人黎飲野。

罐野飲上面個綠帽公仔真係好肉酸。

之後沿路行去小印度行下。

條旋轉樓梯幾型棍子，但係要搬傢俬上落就大鑊了。

沿路好多都係賣印度絲衫(我唔知個學名叫咩)同地氈既舖頭。

印度餐廳ZAM ZAM，讀緊書果陣第一次黎新加坡玩，
當地朋友帶我食過一次，呢兩次黎都無時間食。

行下行下入左個好似鴨寮街咁上下既市集，
不過D野真係舊貨同二手野黎，唔似鴨記有新野賣。

果頭D建築都幾靚。

掛滿新加坡國旗既block。

行完小印度就搭MRT返Chinatown拎行李，
一直都好想問呢間係咩廟，佢應該係供奉緊華人既神但點睇都似日式建築。

呢D燈籠都好日式既感覺。