201508 新加坡，馬來亞新山之旅 Day 2: 星柔快車

第二日一早起身執好行李就去食早餐，
準備一陣去Bugis搭車去新山。

新加坡傳統早餐，咖央多士加水煮蛋(隻蛋掛住食無影)，
咖央醬甜甜地好香椰子味，水煮蛋佢地會落豉油同胡椒粉食。
據新加坡朋友講，佢地既早餐仲會食肉骨茶同蝦麵。

由新加坡去新山有幾個方法。

1. 樟宜機場搭巴士直到Woodlands關閘
2. Kranji 克蘭芝搭巴士160 / 170 / CW1 / CW2
3. Bugis 武吉士搭星柔快車 / 170

我今次係用第三種，搭星柔快車，話哂都係第一次去，
星柔快車個站係Queens Street，出左地鐵行三四分鐘就到。

個巴士站個感覺好似中國果D客運站。

星柔快車個總站係拉慶，但係上網睇攻略話果邊係再荒蕪D，
所以我地剩係搭左去新山，無搭到新山至拉慶果程。

170巴士都係係呢到開車，
搭巴士既好處係只要用Ezlink俾上車，
出左新加坡境見同公司既車就可以上。

等左十分鐘就有車，出發~

上車前有個櫃台仔買飛，可以用Ezlink俾錢或者現金，
盛惠SGD$3.3，張飛仔要keep好因為陣間過左關再上車果陣要check。

全車滿座，而且架車都幾殘，無冷氣既。

沿路都係高速公路，途經某個衛星通訊站。

車程大約要半個鐘就由Bugis去到Woodlands

新加坡呢邊出境無咩特別，出左境之後去返巴士站搵返星柔快車個站牌等車。

呢次差唔多等左十五分鐘先有車，
中途有一隊SDU樣既車隊經過。

隔離排巴士既人龍。

出發去馬來西亞，第一次去呢個國家，
可能近排都係去D去慣去熟既地方，
去旅行去睇新野咩都影一餐個感覺返左黎。

留意左邊個路牌，其實我諗唔會有人係橋面泊車掛。

離遠望見點解棟野同我site office咁似既，
原來都係中國建築...

頂真係有人係橋面泊車嫁。

由掛新加坡國旗既地方去到掛馬來西亞國旗既地方。

過馬來西亞關無咩特別，BNO同特衰護照都係免簽，
只係個關員問左隔離個關員Nationality係GB定GBO。

一出關口見到有間旅客中心，
以去日本旅行既概念黎講一落車搵到旅客中心拎張地圖跟住行實無死，
於是入去問下人有無地圖，拎到既係地圖影印本。

過黎既橋面好塞車。

英文加馬來文告示。

出關，第一樣野係換錢先。