201508 新加坡，馬來亞新山之旅 Day 1: Clarke Quay克拉碼頭，Bugis 武吉士

食完野一路沿路行去Clarke Quay 克拉碼頭，
一來慳車費二來做下運動空返個胃出黎。

酒店附近都掛滿左新加坡國旗。

今次呢間酒店雙床房連稅HKD$700有找，
雖然叫China Town Hotel但係Outram Park行過去會近D。

 Hong Kong Street! Welcome Home!

克拉碼頭係個舊貨倉區，而家變左做酒吧同餐廳區，
日頭好似無咩野行，決定一陣入夜先返黎食晚餐。

麵包夾雪糕，呢檔都算係貴，唔記得SGD$1.8定$1.6一份。

Clarke Quay附近某棟文青建築，
有兩條傻佬訓係地影左呢張相。

無論係邊都見到SG50。

Singapore Civil Defence Heritage Gallery
消防博物館，入面D設備同香港舊時果D好似。

一路行一路行就可以行到去Bugis Street，我唔好行街買野，
其實Bugis行來行去都係果條街，黎係為左食野。

呢間阿成肉骨茶我覺得唔錯，參考網上資料，肉骨茶分左三派，
潮州派：湯色較淺，胡椒味比較重
福建派：湯色較深，藥材味比較重
廣東派：多加一味藥酒
阿成應該係潮州派，重胡椒味但食完唔會好喉嚨乾涸，但通常食親都一身汗，
一碗豬肚湯，一碗肉骨茶，新加坡朋友話佢地會加埋飯或者油炸鬼一齊食。
夜媽媽打遊記好易肚餓

旅遊區，價錢唔算平。

另一樣值得試既係夾餅，借用五月份果陣影既相，
佢係一塊粉餅再包住D餡，有芝士蛋 / 吞拿魚 / 雪糕都得。

朋友呢個係雪糕版本。

我呢個係芝士蛋，D材料熔哂熱辣辣好正。