未来ガジェット研究所

全段信越本線施工最困難既地方就係連接橫川至輕井澤之間既路線， 橫川標高 366.6m ，輕井澤標高 939.1m ，換句話說要係 9km 既距離入面爬升 572.5m ， 對於當時動力輸出唔高而且車體較重既蒸氣機關車係一大挑戰。 最初興建呢個路段既時候有幾個唔同既設計，包括斜式鐵道 (Incline Railway) ， 展線 (Spiral Loop ，用繞圈既形式減少上落斜坡度，常見於鐵路同高速公路， 現時北陸本線敦賀至新疋田間，上越線水上至越後湯沢都係沿用展線式設計 ) 。 係參考過德國既案例之後，決定利用 Abt 式鐵道去克服呢個難關。 Abt 式鐵路係利用路軌中央既第三軌提供額外既爬坡能力， 中間既第三軌同一般路軌唔同，第三軌呈鋸齒狀， 配合機關車入面既齒式動輪提供額外動力爬坡同落斜時減速。 Abt 式設計其中一個缺點係運行速度慢，運載能力低， 開業初期仍然係單線區間，由橫川至輕井沢需時 78 分鐘，由輕井沢至橫川亦需要 80 分鐘， 即使可以係熊ノ平給水給炭所進行列車交會 ( 單線區間雙向列車交換線區 ) ， 但運載能力仍然係信越本線入面既樽頸位置。 アブト式軌道，碓氷峠鉄道文化村展品 中間為齒式軌道，軌道外側係供電軌。 ED42 形電氣機關車，碓氷峠鉄道文化村展品 車底中央既齒式驅動輪。 係碓冰峠服務過既蒸氣機關車一共有四個型號， 最初由德國Maschinenfabrik Esslingen引入既3900形一共七輛， 其後由英國Beyer, Peacock & Co. Ltd.引入既3920形一共兩輛，3950形一共十輛， 日本既生產商汽車製造亦生產過3980形一共六輛。 3900形蒸氣機關車 Photo Reference: 日本国有鉄道工作局/Kone - 「車両の80年」鉄道院3900形蒸気機関車 開業既時候只有 3900 形蒸氣機關車，由德國 Maschinenfabrik Esslingen 公司生產， 係 官設鐵道 第一款德國制既蒸氣機關車，之前入口既都係英國既蒸氣機關車。 3900 形除左係台車外側有兩組有提供主動輪動力既氣缸同活塞  (紅圈位置)  ， ...

行開橫川，順手寫下信越本線同碓冰峠歷史， 信越本線由1885年起工至1904年通車， 1905年8月1日時刻表改正之後開通左上野至新潟既直通列車， 0600由新潟出發，同日2100到達上野，途中會經過三間鐵道公司既區間， 分別係日本鐵道(上野至大宮，大宮至高崎)，官設鐵道(即日本政府，高崎至直江津)， 以及北越鐵道(直江津經由新津至新潟)， 呢個時間大家熟悉既國鐵(日本國有鐵道)，甚至鐵道省同鐵道院都尚未成立。 三間鐵道公司既區間，車站名沿用1904年全線通車時候既資料， 日本鐵道為藍色車站，官設鐵道為綠色車站，北越鐵道為紅色車站。 去返日本鐵路既草創時期，原本日本政府對鐵道政策既方針一直都堅持要”官設官營”， 由政府主導鐵路既建設同營運， 但政府既財政因為戰爭等各種原因支持唔到興建鐵路既龐大支出， 而各地對鐵道既交通需求日漸增加，政府唯有將興建鐵路既權力下放俾民間財團， 1881年 (明治14年) ，日本第一間既私設鐵路 – 日本鐵道成立， 日本各地既財人紛紛效法興建私設鐵路。 九州鐵道會社鐵道布設免許狀，1888年 (明治21年) ，九州鐵路紀念館藏 北越鐵道路線圖，年份不詳 ，新津鐵路資料館藏 直到1906年3月31日，公佈鐵道國有法 (明治39年法令第17號)， 宣佈政府會收購17間鐵道公司作為國有經營，展開日本鐵道既全盛時期。 上述兩間私設鐵路都係係呢個時候收歸國有。 1909年10月12日公佈”明治42年鐵道院告示第54號”， 正式將由高崎經長野至新潟既路線命名為信越線， 1914年6月1日改稱信越本線，名稱一直沿用至今。

朝早起身落樓食個早餐先。 仲有D時間去Mister Donut食個ポン・デ， 去日本要搵個地方坐下等車取暖既話，Mister Donut一定係首選， 320羊一件ポン・デ加杯咖啡，咖啡仲可以免費添飲，真係去邊到搵， 仲有就係有時好偏辟既地方都會搵到Mister Donut。 話說早幾日我係秋葉原避雨果陣去左食Mister Donut， 個staff俾左張point card我，咁當我今次落order果陣， 個staff問我有無point card，咁我拎返同一張出黎， 然後佢話"呢張剩係得秋葉原分店可以用" 呢個promo真係好無誠意，仲等我出門口果陣係咁提自己要拎... 仲要俾人發現左我係秋葉原食.... 今日SL レトロ碓氷都係係二番線發車， 琴日都留意唔到原來扶手梯條帶都有SL既裝飾。 高崎除左有本身既高崎駅之外，仲有南高崎(上信電鐵)同北高崎(JR)。 咁岩有條柱可以放到我老婆出黎影相 :P 兩毛線211系，湘南色塗裝(グリーン＋オレンジ)， 你可以由個車身既塗裝分到佢係邊個地區既車。 211系生產果陣仲分左基本型(0番台，2000番台)同寒冷地區型(1000番台，3000番台)， 而家高崎車輛中心得返3000番台，2015年3月果陣將大部份既車轉左俾長野， 長野總合車輛中心而家有齊哂四個型號，車身塗裝係長野色(薄い青＋薄い緑)。 琴日停SL個位成個變左黑色，因為SL停係到果陣會排水，廢水會有煤灰。 今日都好熱鬧好多人黎影車。 因為橫川無轉車台，所以係向橫川方向車頭係SL，回程係EF63車頭去拉， 係車飛既列車名都會有唔同，去程係SLレトロ碓氷，回程係ELレトロ碓氷， 今日服務我地既都係D51 498。 呢張SL我係eki-net直接劃飛，所以你見到左下角有個えきねっと係到。 今次唔係坐月台側所以無影到出站。 安中市東邦亞鉛既工廠，月台側線D散料車同去安中既貨物列車大部份都屬於呢間公司。 P.S. 講多少少，而家每日只有兩班由小名浜來回安中既貨物列車， 由泉運送礦石去安中再同回送返泉，回送車會係水戶停留(0107到著0512發車)， 途中會經過福島臨海鐵道...

朋友係新潟行緊，一於劃張飛上去join埋佢地， 仲有半個鐘先開車，食個駅そば先， 係月台果D駅そば食仲正，可以一路食一路睇車(睇住班車幾時到)。 我自己麻麻地食桃，上次同朋友黎佢買左一箱返酒店食。 朋友問邊到買廚刀，順手影左兩張相troll下佢， 唔識煮野，唔知係咪真係有人會買把30k JPY既刀。 "你而家係海拔365m" 鬆郁朦左少少，Maxとき，E4系雙層車。 如果大家坐開Maxとき，不妨買份超級新鮮枝豆set，加杯新潟既地區限定啤酒 :P 新幹線D雜誌好高質，介紹返佢個支社當季有D咩活動同觀光列車。 岩岩到稻米秋收既季節，新潟係日本產米大縣， 沿途都見到稻穗同收割緊既農夫。 一眼望過去全部都係金色。 個活動好似幾有趣，下個星期再返黎。 同朋友去左新潟既ぽんしゅ館，早幾日去完越後湯沢既ぽんしゅ館， 賣既野大同小異，但入面D酒款就有唔同， 日本酒認識唔深分享唔到D咩。 阿賀野汁 :P 好邪惡，800 JPY 可以試三款 :P :P :P 仲有放題! 真係好邪惡! 之後劃飛同朋友落返東京meet返另一位係東京既朋友， 四個人係上野アメ横搵左間居酒屋飲野吹水。 食完野各自返歸，返到酒店沖完涼食個布甸加罐Highball做宵夜， 睇睇下電視差D噴哂啖布甸出黎，個節目.... 我對呢個節目相當有興趣。