201709 日本群馬鐵道之旅: Day 4 リゾートビューふるさと，南小谷そば
第二朝一早起身去長野轉リソートヒューふるさと，
行下姨捨同南小谷 (JR東日本同西日本既境界駅)，食個早餐先。
上到月台未夠鐘就影下車。
上越新幹線とき301號去越後湯澤，E2系新幹線。
上越新幹線Maxたにがわ474號去東京，E4系新幹線，
雖然個塗裝同E2差唔多但係好易認因為佢係兩層高，
上越新幹線而家都考慮緊轉用E7去行，但係個載客量會少左一截所以未有定案。
坐返JR西日本既車人都開心D。
はくたか亦都由北陸新幹線繼承，
由高崎去長野搭はくたか會快D既但係朝早無咁多車，如果要搭得0719有一班，
搭あさま就可以悠閒D 0749先開車，かがやき唔停高崎但入高崎果陣既波口位要減速。
行車時請緊握扶手...
咩係一個成功既job reference，上去tender meeting果陣。
"我公司幫新幹線做懸掛系統同客機做起落架"
HB-E300系最特別既地方係佢係混合動力，
係停車同低速既時候係靠電池去運作，
所以好適合呢類型既觀光列車。
しなの鐵道係長野新幹線開通之後繼承左信越本線輕井澤至篠ノ井駅，
長野至妙高高原兩段第三方集團鐵路，亦繼承左相應數量既列車，
115系亦都係成立しなの鐵道既時候由JR東日本渡讓。
見到條橙色邊就知佢係JR東海，383系電車，成日都認錯係高山本線果款キハ85。
架車好闊落，去旅行梗係要整返杯啤酒 :P
每次坐觀光列車都有駅係員Say bye，
而且有次我係月台見佢地送車果陣，
真係一路揮手直到架車見唔到為止。
由長野行信越本線同篠ノ井線去松本，
然後轉向入大糸線去南小谷。
仲有張Menu，好正好有細個做勞作果D感覺。
坐觀光列車最正一定係前方展望席，
搵次拎埋部Gopro去拍下片。
一離開左長野範圍鐵路兩邊就得返田同一戶建。
一轉入篠ノ井線就開始進入爬坡路段，沿途可以望到長野平原，
亦都係姨捨成為日本三大車窗既原因。
順帶一提另外兩個係肥薩線矢岳駅同根室本線新内駅 (現行路線已轉為另一位置)，
差北海道未去過，得閒可以去行下。
沿路仲有D一戶建，如果退左休買返間呢D黎住都唔錯，
晚晚望住咁正既景。
上斜要分段進行，先向本線方向行一段路程，再反方向入站，
換軌後再向本線前進，務求係短距離內提升高度。
所以你見到車長係向後望入站，但而家既技術已經唔需要再用折返式爬坡，
唔停姨捨既列車會直接由本線換軌前進。
呢到做到三大車窗係有佢過人之處，
一來附近好寧靜，二來望落去俾山包圍既長野平原同矢岳又有D唔同。
後面企係二號車門口著得好似動物朋友かばん果位係沿路負責做介紹既乘務員。
個路線牌都有畫成折返式路軌。
係車站仲有紀念入場劵賣，但呢到係無普通車票賣。
繼續向松本進發。
到左松本會等一段時間先再開車，
因為會等埋由千葉揸過黎既[特急]あすさ3號，
一來接到由新宿過黎既客二來兩班車都係行同一組路線，
要讓左特急行先。
[特急]あすさ每日只有一班以南小谷做終點，0638千葉出發1142南小谷到著。
到左穗高之後有個巫女帶我地落車出站去穗高神社，
搭觀光列車都算搭得多，有巫女帶路行神社都係第一次。
到左南小谷諗住搵野食，點知個站出面荒蕪到得一間賣店，
問左車站職員附近物產中心有野食，但要行十五分鐘，
好在都仲有D時間就行過去搵野食。
除左南小谷之外，向北行兩個站仲有個叫北小谷。
そば係手制既唔係工廠造，個飯有好多配料，
杯茶都好特別，係用そば沖出黎，有種飲緊蕎麥湯既口感。
食完野行返車站，係賣店買D零食一陣上車食，
熱食(?)既自動售賣機(?)
留言
張貼留言