未来ガジェット研究所

睇完Tour去佢間紀念品店行下，有大和無武藏係咩意思。 周圍都係高校艦隊既Poster。 或者高校艦隊+自衛隊既Poster。 行過機舖，抱住一點點希望可以開返張艦娘Arcade既卡當紀念。 有艦娘裝飾已經好開心但係都偏向hea，就咁將個立繪痴上牆就算。 哈哈哈哈哈哈我實在係太天真啦，排隊既人名表寫左四頁幾紙， 估計有六七十人排緊隊。   機舖都有... 去返之前食過既海軍咖喱本舖。 竟然係呢到搵到間宮羊羹，不過經驗話我知呢D日本傳統既甜食通常唔係好岩我地口味。    唔止打機要等位，食咖喱都要等位。 除左有艦娘咖喱仲有其他咖喱可以選擇， 我都係上次黎呢到先學識原來咖喱都可以分好多種。 上次黎果陣食左金剛(咖喱，我老婆係榛名)， 今次食陸奧(咖喱)。 陸奧 :P :P :P  留名簿既留言，真係好犀利， 你嗌我畫CAD或者draft個section就叻姐，畫公仔真係搞唔掂。 POI !  睇過牌就話有Delay但個問站頭個姐姐係咁話"大丈夫です大丈夫です"咁就照搭， 結果咩事都無。

行返碼頭準去軍港遊船，發現沿路都有高校艦隊既Poster。 一陣坐果架船未返。 都幾多人排隊。 係碼頭邊竟然有隻水母係到妹下妹下，然後成班排緊隊又好無聊既人就走去影水母。 船飛都唔平，夠食餐好既晏就飯。 終於開船，架船都幾滿人而且好! 大! 風! 岩岩出發既碼頭。 利申對現代既軍艦認識唔深，我個時間線仲停留緊係46cm三連裝主炮同九三式魚雷個年代， 而且海自既艦名無再用漢字，如果艦名係同舊IJN既艦一樣既我會用返漢字， 新艦名既我會保留返日文。 另外如果有D咩錯處請幫忙指正。 泊係美軍碼頭既USS Decatur (DDG-73) 另一邊海自既出雲型護衛艦，1番艦出雲 (いずも，DDH-183) 係倉吉棧橋呢邊，原はつゆき型(初雪型)護衛艦， 現轉籍為しまゆき型練習艦，3番艦せとゆき (せとゆき，TV-3518) 艦名意思係瀨戶既既降雪。 再過兩條棧橋，由左邊數起， 左一，岩岩介紹過既しまゆき型練習艦，3番艦せとゆき (せとゆき，TV-3518) 左二， 可以係砲雷獨佔兩行攤位同憾動Lawson股價既艦娘， 海自既鹿島型練習艦，1番艦鹿島 (かしま，TV-3518) 今世既鹿島都係練習艦。 中間，たかなみ型(高波型)護衛艦，1番艦高波 (たかなみ，DD-110)， 呢個高波係第三代既高波， 第一代既高波係瓜達爾卡納爾島夜戰(英:  Battle of Tassafaronga，日:  ルンガ沖夜戦)中成名， 熟練見張員 靠目視搵到美軍艦艇， 哪有電探，你老母， 高波率先開火吸引敵方注意再用魚雷發動攻勢， 以八艘驅逐艦既戰力擊沉重巡一艘，大破三艘，日方僅損失高波， 呢一戰除左係高波既成名戰亦都係佢既終戰。 夕立，綾波，曉，神通都係用自己既血肉之軀為同伴爭取戰果。 右二，あすか型試驗艦，1番艦あすか (あすか，ASE-6102)。 右一，はたかぜ型護衛艦，1番艦はたかぜ (はたかぜ，DDG-171) 中間，たかなみ型(高波型)護衛艦，2番艦大波 (おおなみ，DD-111)， 波，係講緊波浪，請唔好諗太多。 右邊，とわだ型補給艦，2番艦ときわ (ときわ，...

行完舞台就去海邊行下，但好可惜入手左部NEX6咁耐都未有一支長鏡， 其實係得旅行會拎出黎用 ， 沿住海邊可以一路行返去JR橫須賀。 竟然俾我睇到潛水艦出海，距離太遠同潛艦無咩記認， 推斷係親潮級潛艦，因為蒼龍級個尾舵係X型。 E7未開始撈親潮未抱IOWA返屋企.... 另一邊海自既橫須賀地方總監部就泊左DDH-183出雲型一號艦出雲， 佢個妹DDH-184出雲型二號艦加賀上年八月下水，預計2017年服役。 出雲用日本制令國出雲黎命名，出雲國大約係現時島根縣既位置， 上一代既出雲係英國出世既裝甲巡洋艦，曾經係對馬海峽海戰同三笠一齊打俄佬。 加賀都係用日本制令國加賀黎命名，加賀國大約係現時北陸石川縣既位置， 上一代既加賀係日本出世既 戰艦 航空母艦，曾經係上海作戰，珍珠港空襲，達爾文港空襲等戰役擔任重要角色。 一航戰的榮耀 橫須賀車站都係其中一個高校艦隊既實景，呢個位一睇就記得上次黎過。 時間尚早就搭車去江之島行下，黎左幾次神奈川都未去過江之島， 搭左幾個站去鐮倉轉江之島電鐵，第一站去左男兒當入樽既舞台 - 鐮倉高校前踏切， 話就係話舞台其實我未睇過呢套漫畫。 車站既一個食店既宣傳板，好有日本人既風格， "加油啊日本，我地停電果陣都照常營業嫁!" 好鍾意坐呢D妹下妹下既電車，坐過最開心果次應該係幾年前去20 Tower果陣既銚子電鐵， 有時間會去多次千葉行下海邊。 講到好似住深山一年都見唔到一次海咁 個環境幾舒服但係好大風， 出發果陣澳門好鬼熱所以剩係著左一件長袖衫無帶褸，凍到啊媽都唔認得。 一陣就去行下江之島。 鐮倉高校前踏切，凍到啊媽都唔認得，睇完就走返車站。 影下車，不過天氣麻麻地。 搭多幾個站去江之島，事前無做過Research落左車先再諗。 凍得滯，買罐熱飲暖下個胃。 有個專用位置放低寵物。 行過左呢條橋就係江之島。 個感覺有D似去左有馬溫泉再mix埋京都嵐山再mix東尋坊， 空氣有D Manzanilla桶同Talisker 海水味， 日本遊客同外地遊客一半一半。 江島神社，唔想行既佢隔離可...